莆田

營業中

休息中

想喺中環食個晚飯，但又想太貴，就黎左呢度。環境無咁嘈雜，今期推廣鰻魚，叫左其中一款普寧豆醬焗鰻魚，鰻魚鮮爽，咸香豆香豆醬原來食鰻魚好夾。睇個樣似香港蠔餅，但呢個福建特色海犡煎有d mix左台灣蚵仔煎嘅感覺，少少香脆，非常好食。主食得叫左個類似銀絲卷味道口感嘅黄金荷葉包，餡料炒得好惹味，就咁食都正。我鍾意食芋頭，所以芋香鴨好岩食，因為芋蓉好香滑，一半鴨肉一半芋蓉飽肚又好味。其實仲有叫兩樣不過不失嘅菜，就係有少少南乳味嘅福建風味紅糟雞，同香豆味嘅芥蘭豆皮，中規中矩，但整體都係抵食。