六公館

營業中

休息中

平安夜的下午，出咗去海港城，諗住搵間餐廳afternoon tea或者西餐啦，點知全部都full Booking，唯有求其搵間食吓野就算，今年都冇乜心情過節日。問咗四五間餐廳，都冇位，經過六公館，唔駛等即刻有位，咁就入去啦，雖然都好想試佢好耐，但係冇諗過平安夜，食點心。因為疫情關係，提供食物唔多，只有一張點心紙，炒粉麵飯都只有兩款，而且價錢都比較貴，不過冇所謂啦，乜都試吓囉。餐廳環境幾靚，打卡一流，尤其是露天嘅位置。我哋叫咗幾款點心，賣相都幾精緻，但係有啲味道都好近似。除咗燒賣和蝦多士比較好食之外，其他都係一般，明白到今次係食景，而且茶味好淡，其實$70-$80食碟點心，我寧願去酒店食，食物質素會比較高，試過就算，下次節日出街食飯前一定要早兩至三個星期book位。