影片
更多
2009-08-30
15 瀏覽
29-8-2009去 Elements 行街, 順便食埋晚飯. 見呢間人龍無咁長, 食物又應該唔差 (起碼對美麗華店印象 ok: http://www.openrice.com/restaurant/commentdetail.htm?commentid=178555), 嚟食碗拉麵吧. 先嚟朋友的叉燒醬油湯拉麵... 試了一啖湯, 唔似「醬油」味, 似雞骨湯多 d 喎, 味道亦較淡, 唔喜歡; 麵條無鹼水味, 唔算好彈牙, 不過唔會過腍, 都 ok 啦.我食叉燒豬骨湯拉麵... (白)麵條淥得 ok, 奶白色湯底無 MSG 痕跡, 但實在唔夠厚又唔夠味, 比醬油湯底更麻麻; 叉燒瘦多過肥, 不過瘦肉食落好實, 較韌, 肥又唔得入口即化, 仲要無喱味道, 認真麻麻. 好在每檯都供應生蒜頭及將其「壓成茸」的工具, 自行加料後好食得多! 配料仲有勁多黐埋一餅嘢的芽菜, 及黐埋一條的蔥花, 真係 -_-"兩碗拉麵都無蛋, 唯有每碗加一隻 (拉麵加 $8), 點知兩隻都 overcooked, 賣相樣衰, 食落唔夠溏心仲要無味, 完全係烚蛋來的, 百分百「倒錢落海」之作, 10 thu
去 Elements 行街, 順便食埋晚飯. 見呢間人龍無咁長, 食物又應該唔差 (起碼對美麗華店印象 ok: http://www.openrice.com/restaurant/commentdetail.htm?commentid=178555), 嚟食碗拉麵吧.
先嚟朋友的叉燒醬油湯拉麵... 試了一啖湯, 唔似「醬油」味, 似雞骨湯多 d 喎, 味道亦較淡, 唔喜歡; 麵條無鹼水味, 唔算好彈牙, 不過唔會過腍, 都 ok 啦.
我食叉燒豬骨湯拉麵... (白)麵條淥得 ok, 奶白色湯底無 MSG 痕跡, 但實在唔夠厚又唔夠味, 比醬油湯底更麻麻; 叉燒瘦多過肥, 不過瘦肉食落好實, 較韌, 肥又唔得入口即化, 仲要無喱味道, 認真麻麻. 好在每檯都供應生蒜頭及將其「壓成茸」的工具, 自行加料後好食得多! 配料仲有勁多黐埋一餅嘢的芽菜, 及黐埋一條的蔥花, 真係 -_-"
兩碗拉麵都無蛋, 唯有每碗加一隻 (拉麵加 $8), 點知兩隻都 overcooked, 賣相樣衰, 食落唔夠溏心仲要無味, 完全係烚蛋來的, 百分百「倒錢落海」之作, 10 thumbs down!
另 share 食一串煙芝士豬肉卷:「豬肉」係太肥的 bacon, 但又燒到柴皮一樣硬; 捲喺入面的煙芝士半溶, 又真係帶點「煙」味, 不過絕對稱唔上好食. 串燒仲要一律等 30 分鐘, 早知慳返!
太想食 creme caramel, 見有雞蛋布丁 ($30) 供應, 明知係現成貨仍然叫嚟 share 食 食落係「森永」的味道, 夠甜夠「蛋」, 不過 presentation 實在樣衰, 點解淨係倒落隻碗, 都可以倒得甩皮甩骨0架
食物幾麻麻, 環境亦麻麻, 座位迫夾, ventilation 又差, 離開時成身油煙味; 仲要連 service 都唔好, 店員們嬉笑怒罵的, 印象喊面!
連加一每人約 $110, 唔算太貴, 但實在唔值, 後會無期!
張貼
