素一 (已結業)

每年聖誕節🎄都喜歡去食自助餐，今年都唔例外，選擇咗平安夜一家大細嚟食素自助餐，感恩一家都會食素🙏🏻。呢間餐廳做得好出色，真係做到樣樣色香味俱全，種類繁多，炸物脆而不油，仲有我最鍾意食嘅薑汁焦糖燉蛋🤤，我只係食咗部分菜式已經好滿足，一次過真係食唔晒所有種類，假日晚餐時段仲有鮑魚送添，大滿足。👍🏻😋其實近呢幾年都多咗好多素食餐廳，亦做得十分唔錯，成功吸引左一班年輕一代，晚飯當中唔難發現有年輕人係呢個普天同慶嘅平安夜下都選擇黎食素，呢個係令我覺得喜出望外及好感恩的，希望呢種素食飲食文化可以繼續更普及。😊