新泰東南亞餐廳 (馬鞍山廣場)

營業中

休息中

四朵金花又出動，今次揀咗馬鞍山泰菜，餐廳係啇場角落，真係要識路先搵到，裝璜唔錯，幾骨子，坐得舒服。點左椒鹽軟殼蟹、海鮮南瓜飯、串燒、香茅魚，轉頭有音樂聲，嚟左個機械人送餐，又幾得意嘅！試吓椒鹽軟殼蟹，炸得唔夠脆，有鹹味，冇香味；海鮮南瓜飯，飯底本身整得幾好，可惜南瓜唔靚，唔夠粉又唔夠稔；串燒牛比豬好，但沙爹醬都係少咗啲又唔夠味；最後香茅魚都算有心機，起肉脆炸賣相唔錯，但魚肉本身嘅味唔夠，亦冇香茅味。食過就算，唔算貴，但又唔會諗住再嚟囉！