藝程雅聚 (已結業)

大尾督係好多人眼內係一個假日好去處，可以bbq，踩單車，釣下魚等等，但對我來說係一個平日午餐的canteen(但係最近都少去左大尾督食午餐)，有幾間餐廳係我心水，依間係其中一間!因為每次掛住食，唔記得影相，只有記得影甜品!平日午餐有set lunch，通常有牛排，羊排，薄豬排(有時候有)，龍利柳，鴨胸等等可配意粉或薯菜!有紅湯或白湯選擇!我覺得紅湯好好味，好濃郁既蕃茄味而且又香!湯配蒜茸包，香口得黎配紅湯不錯!主菜方面我比較鍾意食牛排，所以開頭幾次都係叫牛排!不過每次都唔好食，好干身，肉質好”鞋”，餐牌寫肉眼，但最多似西冷，所以之後唔敢再點牛排啦…!!我通常都係叫羊排五成熟!今次都唔例外，幾嫩，而且又做到五成熟的效果，出面有部分餐廳都做唔到，所以依樣都值得讚美!(不過…依家d羊排比以前細左，而且無以前咁嫩，不過依家都唔差)而意粉既軟硬度適中!我地之後通常再會加錢點甜品，心太軟同木槺蛋糕都好正!其他比較少叫!因為覺得依兩樣比較出色!我今次點左心太軟，送到時蛋糕仲係熱，切開時朱古力漿流出黎配上面凍冰冰既雲呢拿雪糕一齊食，真係好味!