意粉屋 (已結業)

今日閒日放假, 同啲朋友去食lunch。之前食過都ok, 又好坐, 而且唔算太貴。今日再食過。Lunch menu: 都幾多選擇。有普通嘅飯, 意粉, pizza同埋ribs可以選擇, 而且仲有得跟沙律定揀酥皮湯, 或者兩樣都得。叫左酥皮意大利菜湯同埋沙律。今次沙律係煙三文魚沙律, 三文魚有2小片, 普普通通, 沙律份量一小碗, 都夠食嘅。酥皮意大利菜湯都唔錯, 塊酥皮好似無之前食甘厚, 唔算好酥。湯入面都多料, 味道酸酸地, 唔辣嘅。飲完都有啲飽。肉醬意料份量都唔細, 有牛肉同啲碎蘑菇整成, 肉醬都多汁, 每條意粉都可以掛上啲醬汁。少少酸, 因為飲完湯都飽飽地, 食剩左啲。跟餐仲有餐飲, 都係普通嘅咖啡/茶。意粉屋嘅lunch都算係唔錯。