燒之谷 (已搬遷) 新店位置

今日同朋友一齊嚟到灣仔呢間新開咗冇幾耐嘅串燒店 燒之谷，呢度出左名價錢相當平民。試左咁多款，最鐘意係牛肉串燒$15，肉味香濃，多汁，七味豬頸肉，$22燒得夠香之餘又唔會太乾, 雞腎$13，夠入味仲非常爽口彈牙，牛脷心$26，厚厚一片口感不錯，原條燒蒜蓉茄子$28，蒜蓉味香濃茄子軟綿綿，肥牛湯烏冬$42，肥牛份量好足！有唔少串燒只係十幾廿蚊就有兩串，叫多幾串都唔會肉赤，想樣樣都試啲，更加可以叫廚師發板$99（8串）。