軟橋米苔目餐廳 (已搬遷) 新店位置

今日去深水埗尋好西，行行下鴨寮街見到間食台灣粉麵既鋪頭(軟橋米苔目餐廳)，平時食港式粉麵就多，真係冇食過台灣既，所以就入左去食。入到去感覺好平民，但員工就超級熱情咁招呼我地，仲介紹左好多特色，獨特小菜比我地😍我地嗌左一碗台式清湯米苔（配鴨肉，腩肉）同一碗酸辣米線（配腩肉，墨魚丸）仲嗌左幾項小食，分別有蒜蓉鴨肉，香煎脆皮肉餅，涼拌皮蛋。不得不讚係呢間餐廳有好多小食比我地揀，我地揀都揀左好耐。多得有個員工姐姐介紹先可以令我揀到😍。我地仲嗌左波子汽水飲❤好正喔先講下個湯底，清湯唔會好清，有啲肉味，冇味精味，襯埋個米苔，真心覺得好正！而酸辣湯底就覺得唔夠酸，😂😂不過襯埋米線都好正。之後就黎左啲小食，個蒜泥鴨肉係最出名嘅，所以就叫左呢個小食。啲蒜味好濃，仲有得揀辣/唔辣，個辣味好入味，超好味❤仲叫左個脆皮肉餅，好脆好食，係即叫即炸嘅，好好味🙆🏻‍♀而且價錢好實惠，大大碟都只係$24元。個涼拌皮蛋係店員推薦的，呢個都有得選擇辣唔辣，仲可以選擇要唔要配料，岩哂唔同口味嘅人，十分細心。店員姐姐都話係即叫即做的，仲好入味，價錢都係一樣好實惠~店內環境都好衛生，啲位都有好多，而且坐到好舒服，唔會好逼咁。店