潮盛館

營業中

休息中

好有驚喜嘅潮州菜館，就算食lunch時段餐廳都幾滿場。裝修簡單舒適，坐得舒服。午餐有個2人套餐幾抵食，有燉湯之餘有滷水鵝雙拼又有個小菜。脆炸牛奶卷 $58/5條炸得好脆，個牛奶內餡食落棉棉滑滑咁，好有牛奶味好夠香滷水鵝頭頸 $68/原條呢個價錢真係無得輸，原條嘅鵝頸真係好多份量好足。個滷水味好香好濃，特別係八角嘅香味。午市2人套餐 $168燉湯足料，有瘦肉又有螺肉同少量藥材，飲落無味精飲落舒服。滷水鵝肉有得自己揀一樣滷水做雙拼，份量比想像中大碟。滷水味好香，每片都係啖啖嘅鵝肉。揀左墨魚做雙拼，墨魚食落厚身好正。虎皮椒炒鹹肉食落好香豬油味之餘，虎皮椒食落好辣好香。鹹肉雖然比較肥身，不過個油香確實唔會抵擋得住。最緊係嘅係有兩碗白飯跟，小菜配飯食就最好。