元札幌拉麵 (宇晴軒商場) (已結業)

話說朋友住呢一頭附近,佢同我講呢個商場有一間好好食嘅日本菜,而且價錢相宜。於是呢日,我就同朋友嚟食呢一間日本菜。佢一間商場入面,個裝飾好有趣,好多紅燈籠。我呢幾日食咗好多雞,所以想食返啲牛肉。我叫左個牛扒,我見佢有店長推介所以都好期待食一個牛肉。而我個朋友就想食清淡一啲,就要咗個燒魚我嗰個牛肉唔算太生唔算太熟，啱啱好，上面有啲黑椒，同埋個調味啱啱好唔算太鹹，不過我朋友就話咸左少少，平時識開重口味嘅朋友應該會覺得呢個好好食啦。個牛肉啲油脂都唔錯，一啲都唔鞋，仲好Juice。我個朋友嗰個油甘魚都好好食，啱啱燒上嚟， 好嫩滑，不過我淨係食咗一啖，都唔係好比到意見。最令我感到驚喜嘅係，佢個蒸水蛋真係新鮮正出嚟，食完主菜，個蒸蛋就來啦。個蒸蛋係好家庭式嗰啲，唔似出邊日本餐廳水汪汪，佢係好重蛋味嘅蒸蛋。我個人好鍾意食呢一個蒸蛋。