大師傅粥品 (TKO Gateway西翼)

營業中

休息中

坑口區內基本上應該得返呢間主打粥嘅餐廳，由佢開店到依家都依然生意興旺，主因相信係價錢平民化，質素唔太差牛脷酥唔油膩，而且外脆內軟，甜度適中炒麵呢次比平常嘅油好多，雖然麵質幾好，配料都足料炸両新鮮，腸粉皮薄又滑，油炸鬼脆口，醬料自己加，呢點係非常好，通常我都多麻醬多芝麻鹹肉糭正常水準，餡料可能偏少，不過整個都蒸得好好，唔會有硬粒或者太濕太淋嘅情況艇仔粥超足料，有牛肉碎、豬皮絲、魷魚鬚、花生，緊記食之前要攪勻底部嘅牛肉碎！粥底綿，調味剛好，食完唔會口渴！連埋煎堆，三個人先至食咗$13x，平過茶餐廳同雜團快餐，隔日食可以省返啲