金滿膳燒味餐室 (已結業)

同姊妹行街行到又熱又累，想坐一坐食少少野補充下體力過下冷河，見到有間港式餐廳，由出面望入去企企理理，乾淨光猛，再睇餐牌都有很多選擇，下午茶有粉麵，燒味，西多，豬油包…等等，價錢又合理。我地就叫左個秘製豬扒包 $32和香脆奶油豬 $26。個秘製豬扒包都幾大下，入面有炸豬扒，生菜和加左秘製醬汁，豬扒有成個包咁大，生菜都舖滿曬，師傅仲將個包分開兩半，方便客人食，咁剛剛好我地可以兩份share。個香脆奶油豬烤到熱辣辣，外皮脆卜卜，內裏係柔軟的，師傅茶左牛油和煉奶，包的溫暖度將2種醬溶化，吸曬入麵包度，又香又甜，食落去脆卜卜的口感，好滋味呀😋呢間茶餐廳值得推介，價錢實惠，食物有水準，環境乾淨企理。佢係位於牛頭角牛頭角道357-375號仁安大廈地下的＂金滿膳＂。