天誠冰室

營業中

休息中

天誠冰室隱身喺牛頭角道一列住宅大廈當中其中一條毫不起眼嘅橫巷入面，如果唔係街坊，其實要搵都唔算容易。叫得冰室，格局可想而知偏懷舊，尤其係牆身嘅黃色瓷磚同地下嘅綠白相間紙皮石，兩者都滲出點點歲月嘅味道。第一次幫襯，本應試下較出名嘅小菜套餐，無奈胃口一般，最後又係食常餐😂。公仔麵嘅餸我揀咗五香肉丁，份量算多，配埋煮得爽口唔太腍嘅公仔麵，好食。另一邊嘅腸仔炒蛋就正常水準正常味道。最後要讚下杯茶走，雖然杯仔細細份量唔算多，但係茶味香濃，即使練奶偏甜，亦無損奶茶整體嘅味道。