和食快餐

營業中

休息中

記得之前朋友喺呢個商場度做診所護士，佢已經極力推介呢一間鋪頭，對上一次食已經係好多年前。今日午飯嘅時間本來諗住同朋友食「食得喜」，但係得兩個人，真係不能夠叫太多食物，所以只好放棄。突然間諗起呢一間日本野喎，梗係要重拾之前嘅回憶啦。裝修同以前一樣簡簡單單，平民食肆，有幾張摺檯，牆上有彩色嘅餐牌附圖畫。見到啲相片咁吸引，正在心大心細之際。望到隔離嘅食客，食緊嘅咖喱豬扒飯，賣相非常吸引。忍唔住要叫一客。豬扒炸得非常香脆，唔算好大塊，但入口非常鬆化。而且分飯嘅份量好多，仲要好平。30一蚊一碗日式咖喱豬扒飯。性價比絕對好高。