正斗火鍋

營業中

休息中

最近經常食火鍋，懷疑身體裡面都流緊湯底，今晚又約左朋友喺深水埗果邊食火鍋，咁當然啦，唔同火鍋店好多時水準都非常參差，今次食到呢間正斗火鍋，個人覺得水準不錯，價錢亦都唔算貴，一般火鍋店價位。同朋友輕輕鬆鬆食一餐，兩三個鐘頭，人均二三百蚊都合理花膠雞湯底：湯底方面我地揀左花膠雞湯，湯底睇落就唔係太濃郁，不過飲落味道又幾唔錯，花膠相對少啲啦，得四、五件，所以就唔會話好膠咁。雞都有大約半隻，算幾大方。手切肥牛：賣相方面睇得出擺得幾用心，不過牛就未算好腍，牛味一般，可能下次試下牛頸脊可能會好啲。大蜆：嚴格黎講咁大隻都應該叫做蚌，食落幾新鮮，肉肥厚，價錢又唔算貴，88蚊幾抵食蟶子皇：30隻來講，就確實幾吸引，夠新鮮，淖一淖食得。芝士蝦丸：食落都彈口，蝦味重，而且好流心！蟹子墨魚滑：墨魚滑唔粉，而且又彈牙，墨魚味一般。午餐肉：正常餐肉。雲吞：裡面唔會好多肥膏，都食到有隻蝦，ok啦。生根：冇乜特別。松茸水餃：食到有啖啖松茸味。