Barista Caffe (已結業)

今日又去呢間餐廳，十二點去，入面只有四個人，但係都未夠十二點半，已經坐滿哂，證明都好多人幫襯。我同朋友今次係第四次嚟，次次都食唔同的嘢食，今次食酥皮德國腸蘋果沙律，啲酥皮幾好，但德國腸啲腸衣好韌，我朋友要切咗佢嚟食，沙律好味，尤其啲沙律醬，唔會茶餐廳果啲咁杰，淡淡地幾好味。另外叫咗個什菌肉醬千層麵，呢個好犀利，足料，好味，但好膩，一碟份量其實可以四個人share。兩個餐加埋都只係96左右，包餐湯，今日餐湯係好味南瓜湯，仲包一杯飲品，大大杯，好抵呀！