辛安東元祖奶奶雞 (已結業)

呢日同朋友去旺角行街，行夜咗，唔使旨意响商場搵到嘢食啦，於是就去咗白布街嗰邊搵街舖，呢間元祖奶奶雞好似好出名喎，所以就入去試下，一坐低首先就梗係嗌一份元祖奶奶雞燉雞啦，最近香港都開咗好多間唔同嘅燉雞，不過呢間嘅燉雞相對真係算幾有水準，好入味而且雞肉都好嫩滑，真係有啲當年响韓國嘅時候食到嘅水準。另外嗌咗一個豚肉拉麵，豚肉好足料好有份量，肉汁豐富感覺唔錯，另外有嗌咗一個 辣泡菜蠔仔泡飯，呢個真係有啲驚喜，原來辣泡菜加埋豪仔，係咁鮮味咁挾嘅，另外有嗌咗一個叫豐梨嘅前菜，嚟到嘅時候發現原來係一碟雪梨，笑咗！證明佢哋改食物名同影食物相係好有心機好有心思囉。