影片
更多
2022-02-08
334 瀏覽
上年揀左fine dining，今年都想繼續😜 人越大就細食左，食buffet食唔到咁多野，生日一年一次就貴精不貴多咁食翻餐～ 平時大節日都會黎1881影相📸️，每次都有不同既大型特色擺設，所以就黎呢到試下～嗰陣天氣無咁熱，所以坐出面，有吊扇既微風都夠～ 出面靚好多裝修行既係歐陸風格野食方面就分別叫左8-course 同 10-course，感受下有咩分別，主要係開頭既紅蝦🦐同蜆🦪要二揀一，同埋主菜方面，10-course既可以3揀2，而8-course就3揀1～ 有落心思去設計菜式，擺盤都精緻，味道幾好，某啲菜式如果可以再crossover，或者加多啲特別配料就更加perfect～ 另外略嫌staff講解有啲短，再長啲去突出每道菜既特色就更加好～(5 😍 係滿分，🤩係半分）8-course: $988加一10-course: $1288加一Amuse Bouche (好味指數：😍😍😍🤩)Amuse Bouche喺法文既意思係俾嘴巴既娛樂，代表正餐前既精緻小點，個樣好似盆栽🪴咁，上面係白色既Mozzarella芝士🧀配番茄仔🍅，奶香濃郁、口感軟滑，配埋酸甜開胃既番茄仔🍅幾夾～ 不過呢個配
野食方面就分別叫左8-course 同 10-course，感受下有咩分別，主要係開頭既紅蝦🦐同蜆🦪要二揀一，同埋主菜方面，10-course既可以3揀2，而8-course就3揀1～ 有落心思去設計菜式，擺盤都精緻，味道幾好，某啲菜式如果可以再crossover，或者加多啲特別配料就更加perfect～ 另外略嫌staff講解有啲短，再長啲去突出每道菜既特色就更加好～
(5 😍 係滿分，🤩係半分）
8-course: $988加一
10-course: $1288加一
Amuse Bouche (好味指數：😍😍😍🤩)
Amuse Bouche喺法文既意思係俾嘴巴既娛樂，代表正餐前既精緻小點，個樣好似盆栽🪴咁，上面係白色既Mozzarella芝士🧀配番茄仔🍅，奶香濃郁、口感軟滑，配埋酸甜開胃既番茄仔🍅幾夾～ 不過呢個配搭唔算特別，至於下面係咖啡豆☕️同埋蛋糕碎，整到個樣似泥土咁，啲蛋糕碎既味道係mix左朱古力🍫同咖啡☕️ ，不過咖啡豆就咁食就比較硬，其實就咁有蛋糕碎就夠，蛋糕碎偏乾身，唔會好甜，幾有咖啡☕️香味
Amuse Bouche
13 瀏覽
0 讚好
0 留言
麵包🍞 (好味指數：😍😍😍😍)
包方面有芝士條🧀🥖、French baguette (棍子麵包🥖)同埋biscuit🥯 (美國既比司吉)
芝士條🧀🥖比較乾身同脆口，似餅乾，帶有啲外脆內軟，焦香既芝士🧀配埋香草🌿就再多左啲異國風味，都唔錯；
棍子麵包🥖 據說係烤麵包為左唔嘥位就將麵糰整成長條狀，塞入細縫就有左呢款麵包🥖 今次係迷你版，外層裹左一層麵粉，喺焗既時候保護麵糰，等外層形成脆皮，避免水分被高溫抽乾～ 由於麵粉比例較少，酸味較淡，小麥香突出啲，係歐洲常見既品酒🍷小點；
呢到既biscuit🥯 (比司吉) 唔係cookie，外表同scone好似，透過加泡打粉或者小蘇打粉快速膨脹，而唔用酵母～ 同scone唔同既係，biscuit🥯用中筋麵粉，用既奶油🥛同糖低過scone好多同埋無蛋🥚，所以比較蓬鬆軟熟似麵包🍞，通常用黎做餐包，下午茶先配scone~ biscuit🥯幾香口柔軟，帶有啲牛油🧈香味幾好食😋
個醬係由蜜糖🍯、海鹽🧂同橄欖油🫒組成幾特別，以往食包都係配牛油🧈或者橄欖油🫒配黑醋，今次呢個有獨特香味之餘，鹹同甜既比例啱啱好，有啲滋潤既感覺，又突出到麵包🍞既香味，配埋木🪵製既蜜糖🍯棒更加有風味～
Hokkaido Scallop & Oyster Cream, Prawn Cracker - Ikura 🦪🦐 (好味指數：😍😍😍😍)
呢個dish由帶子粒⚪️、青瓜粒🥒同魚子組成，下面再墊啲蝦片🦐，口感真係好豐富🤤 帶子⚪️雖然切左粒，依然感受到本身係好厚肉，咬落多汁，軟綿鮮甜～ 配埋香口又脆卜卜既蝦片🦐，爽口既青瓜粒🥒，而ikura係指用醬油和味醂醃製過既三文魚子🟠，辟出到腥味之餘，多左上一份鹹香，口感軟嫩，入口即溶，好似爆爆珠咁一咬就爆汁，鮮香四溢～ 幾surprise既係上面仲有啲用蠔🦪打成既cream，令到整體味道更加有海水🌊既鮮味，真係有好多層次，口感豐富🤤 帶子⚪️如果可以再鮮甜啲就更加好～ 另外下面既櫻花蝦🌸🦐係擺設黎唔食得，如果可以加埋落個dish到可能會有意想不到既效果～
Hokkaido Scallop & Oyster Cream, Prawn Cracker - Ikura
10 瀏覽
0 讚好
0 留言
Spanish Red Prawn & Avocado Roll, Caviar - Mango Salsa 🇪🇸🦐🥑 (好味指數：😍😍😍😍🤩)
呢個擺盤好靚好有質感😍 入面包住既係西班牙紅蝦🇪🇸🦐，西班牙紅蝦🇪🇸🦐除左矜貴，亦都係世界上最好食😋既蝦🦐，蝦膏香濃，鮮甜彈牙既程度都出色過龍蝦🦞，見到已經好興奮🤩 而出面用creamy、似乳酪，有核桃的香味既牛油果片🥑包住，令到整體口感更加細膩、味道鮮美～ 而上面有少少入口甘香既魚子醬⚫️，旁邊各有一塊香脆鬆化又清甜既紅菜頭脆片夾住幾特別👍🏻 兩邊仲配埋開胃既芒果🥭salsa汁，偏向台灣風味多過墨西哥🇲🇽風味，清新得黎會清甜啲，balance得好好～ 不過因為紅蝦🦐既蝦味濃郁過普通野生海蝦🦐十倍，所以期望會高好多，宜家整出黎既可以再鮮味啲～
Spanish Red Prawn & Avocado Roll, Caviar - Mango Salsa
12 瀏覽
0 讚好
0 留言
Japanese Clam 🇯🇵🦪 (好味指數：😍😍😍😍🤩)
如果叫8個course, 就呢個蜆肉🦪同紅蝦🦐牛油果🥑卷二揀一，10個course就直接試埋～ 今次既蜆肉幾特別，入面淋左少少麻油，唔會上面既泡泡係用薑同香茅打出黎既，令到個蜆肉鮮甜啲，又靚又特別，好用心去做到內外兼備👍🏻 呢一隻蜆肉應該係食過咁多蜆裡面最嫩滑同肥美既，因為普遍出面食嗰啲都好細隻同埋會韌韌地，但今次既無，可能因為今次用左特別品種既緣故～ 旁邊再配左啲韌韌地既海草，無咩味係用黎裝飾既，如果配料好食又有襯托效果就更加好～
Japanese Clam
35 瀏覽
0 讚好
0 留言
Poached Seasonal Fresh Oyster - Sea Grape 🇫🇷🦪 (好味指數：😍😍😍😍)
呢個係法國🇫🇷既生蠔🦪，廚師👨🍳計住只係用1.5分鐘去蒸，呢個時間啱啱夠殺菌之餘，出黎就有暖暖地半生熟既效果，生蠔🦪入口有海水味🌊，清甜易入口，亦比起普通既蠔🦪更加有鮮美嫩滑，因為生蠔🦪本身有唔同分量既礦物質，受熱之後可能會影響味道，所以要煮既話靚既蠔🦪煮到半生熟，好似宜家咁係最好既～ 另外上面放左啲海葡萄，質感爽脆，帶有啲海水🌊既鹹鮮味道，有啲似魚子⚫️，但係比較單調，未能夠突出蠔🦪既鮮味，如果配料有突出效果就更加好～
Poached Seasonal Fresh Oyster - Sea Grape
7 瀏覽
0 讚好
0 留言
Seared Norway Langoustine - Sichuan Pepper 🇳🇴🌶️🍊🦞🍝 (好味指數：😍😍😍😍😍)
呢個fusion有驚喜！雖然望落幾細碟，但呢個係fine dining既特色 haha 主要用左挪威🇳🇴小龍蝦🦞配天使麵🍝，小龍蝦🦞肉質鮮嫩彈牙，面頭有炙燒過，焦香令佢獨特既鮮甜更加突出，齒頰留香，比起普通龍蝦🦞更加有口感同顯赫～ 配埋麻麻辣辣🌶️既調味，幾有四川風味，但係又唔會好辣🌶️，配合翻唔同人既口味～ 旁邊仲有幾點有橙🍊整成既汁，可以中和翻個辣味🌶️，唔食得辣既人都唔怕，廚師👨🍳幾細心👍🏻 天使麵🍝口感細緻柔軟，又唔會腍啤啤，索晒個汁既精華🤤 整體酸酸辣辣幾過癮，面頭仲有少少魚子⚫️，令到整體口感更加豐富！真係好唔夠喉😋
Seared Norway Langoustine - Sichuan Pepper
9 瀏覽
0 讚好
0 留言
Potato & Leek Soup - Squid Salad 🍾️🥔🥣🦑🥗 (好味指數：😍😍😍😍🤩)
跟住到香檳薯仔忌廉湯🍾️🥔🥣，第一次唔係一開頭就飲湯😂 staff喺上枱既時候先將湯倒落碗入面，確保到個湯🥣依然熱👍🏻 雖然薯仔🥔自身既味道比較淡，但加入左炒香既洋蔥碎🧅帶出香甜既味道，加上煙肉🥓既鹹香，令濃湯🥣昇華到另一個層次，入口細膩幼滑又creamy，而加左酸酸甜甜既香檳🍾️，令到整體更加清香減輕到忌廉膩膩既感覺～ 另外旁邊有烤過既魷魚🦑作為點綴，香口惹味，有咬口得黎又唔會韌，同個湯🥣都夾得黎，又比起就咁配麵包🍞特別啲～
Potato & Leek Soup - Squid Salad
8 瀏覽
0 讚好
0 留言
Chinese Yellow Wine French Duck Foie Gras 🦆 (好味指數：😍😍😍😍)
無諗過fusion可以咁樣中西合璧，以往食鴨肝🦆或者鵝肝🦢比較多都係配酸酸甜甜既蘋果醬🍎去解膩，而今次既慢煮鴨肝🦆配黃酒，原來係中國北方菜既整法，兩樣都係濃味野，但係感覺又唔會話好違和，鴨肝🦆口感嫩滑綿密，味道鮮美，第一次食無煎過既鴨肝🦆，口感更加細嫩～ 而黃酒醇厚甜香，令到味道更加濃郁～ 不過呢個好唔好食就真係見人見智，因為唔係好多人都接受到黃酒既味道... 配菜方面就配左粟米蓉、粟米粒🌽，以佢既清爽鮮甜去做解膩既效果，上面再加左啲大蔥做點綴，令到整體清香啲
Chinese Yellow Wine French Duck Foie Gras
18 瀏覽
0 讚好
0 留言
Citrus Lemon Verbena Sorbet 🍋 (好味指數：😍😍😍😍🤩)
呢個係好貼心既配搭～ 上一道菜比較濃味，食翻個酸酸地既雪葩🍧，可以清一清味蕾同開胃啲咁再食main course，走個過場幾好～ 出面比較多係依照唔同食材既味道去決定菜式排序，但好難隔得好好，宜家直接加一個小食清下，不失為一個好選擇！柚子🍊同檸檬🍋係清香開胃既生果，配埋馬鞭草既香味就更加特別，係將柚子🍊同檸檬🍋既香味昇華左既感覺，沁人心脾～ 旁邊仲有一片士多啤梨🍓去令到個顏色靚啲，口感如果再豐富啲就更加好
Citrus Lemon Verbena Sorbet
11 瀏覽
0 讚好
0 留言
Baked Marinated Black Cod Fish & Shrimp - Miso Bamboo Shoot 🐟🦐 (好味指數：😍😍😍😍🤩)
可惜雞🐥一定要兩個人都叫先得，加上覺得魚特別啲就要左魚🐟，呢個係黎自阿拉斯加既黑鱈魚🐟，擁有豐富既脂肪，所以口感好似天鵝絨咁嫩滑，肉質緊緻鮮甜，幾得意既係味道仲帶有啲獨得既奶油香味🥛，另外裡面有爽脆既萵筍絲，萵筍絲下面有啲蝦膠🦐釀左入去魚🐟到，鮮味彈牙，口感豐富啲，旁邊有個甜椒汁，唔夠味既話可以蘸埋個汁，味道甜甜地，有啲似平時喺屋企用黎整叉燒🐷既海鮮醬，估唔到味道都幾夾，有提鮮既作用～ 外面仲有竹葉🎋包住，靚得黎突然成件事都好有詩意😂
Baked Marinated Black Cod Fish & Shrimp - Miso Bamboo Shoot
3 瀏覽
0 讚好
0 留言
Japanese A5 Beef Striploin - Onion Marmalade & Tomato Confit, Black Pepper Sauce (Additional $198) 🇯🇵🐮🧅🍅 (好味指數：😍😍😍😍🤩)
跟住就到日本宮崎🇯🇵A5和牛🐮，今次用既係牛上腰肉，係和牛🐮既高級部位～ 小編叫左medium, 入面係粉紅色既🤩 表皮焦香微脆，肉質甘香軟嫩又juicy，牛味🐮幾濃郁，雖然脂肪豐富，有入口即溶既油香之餘但口感又幾清爽，真係和牛🐮既魅力所在😎 另外有紅酒焦糖洋蔥醬🍷🧅，酸甜可口，係米芝餐廳常用既配料之一，幾適合用黎配牛排🥩吊味，仲有油漬蕃茄🍅，即係番茄🍅經過低溫封乾既過程，之後再加入橄欖油做油漬既步驟，將精華濃縮喺番茄🍅入面，所以味道比一般既新鮮番茄鮮美，口感有啲Q彈，兩者都可以中和肉既油膩～ 最後配埋黑胡椒既牛肉燒汁更加香口同惹味～
Japanese A5 Beef Striploin - Onion Marmalade & Tomato Confit, Black Pepper Sauce
5 瀏覽
0 讚好
0 留言
Spicy Chocolate Flourless Cake - Dried Tangerine Peel Sorbet 🌶️🍫🍰 (好味指數：😍😍😍😍🤩)
最尾既甜品打卡一流～ 一上碟既時候，staff會淋上液態氮，煙霧彌漫既感覺好夢幻，為呢一餐畫上完美既句號～ 雖然無用麵粉，但口感一樣濕潤幼滑，有朱古力🍫濃郁既香味又唔會好甜，好似食緊brownie咁😋 味道方面亦都打破左我對甜品既認知😂 一入口係朱古力味🍫，跟住慢慢就會辣辣地🌶️幾得意，兩者味道幾夾得幾和諧，可能因為呢個係甜品，所以唔會加其他濃郁既香料好似花椒八角嗰啲搶味～ 另外仲配埋酸酸地既陳皮雪葩🍧，一凍一熱真係正🤤
Spicy Chocolate Flourless Cake - Dried Tangerine Peel Sorbet
7 瀏覽
0 讚好
0 留言
好味指數：😍😍😍😍🤩
推介指數：😍😍😍😍
張貼
