影片
更多
2016-02-21
1329 瀏覽
一行人來到，門口好多人等位中，好在大枱唔多人等，一陣就有位，坐大廳！地方光猛乾淨！大家一齊洗碗，因為碗筷頗油淋淋！因為已到下午茶時段！有特價點心！落單食物好快到！臘味粒炒飯（$58）粒粒分明，臘腸粒好多！材料足！ 鮮竹牛肉球：牛肉滑，馬蹄爽脆，枝竹索晒肉汁！正！鮮蝦菠菜餃：外皮煙韌，菠菜淋身無怪味，蝦爽口！味道清爽！ 順德鯪魚球：煎嘅鯪魚球！唔夠炸嘅好味！濃湯浸唐生菜：唐生菜較老！ 黑椒金錢肚：索晒汁唔腥，肚淋身彈牙！蜜汁叉燒腸：腸粉皮唔夠滑，比較硬，叉燒瘦，一般！蜜椒雞中翼：香脆，外層香脆黏口，蜜糖甜膩，但雞翼唔夠肥，所以皮之外就唔夠飽滿肉汁！ 腐皮素鵝：炸得少許過火，腐皮太乾，中央餡料多，蔬菜爽口！雲耳有咬口！皮蛋酸薑:溏心皮蛋，好香！外層彈牙，內層起沙滑溜！酸薑爽脆開胃！蟹籽燒賣皇：蟹籽多，豬肉有肉汁，加好香冬菇味！好味！古法馬拉榚：圓型好像蛋糕！鬆軟微甜！好味翡翠荀蝦餃王：皮煙韌，荀絲及蝦爽口！有肉汁！潮式糯米卷：外層麵包鬆軟，中央糯米軟身煙韌！豐料珍珠鷄：足料，糯米煙韌 養生棉花鷄：棉花雞先係主角，索晒肉汁，唔會太淋，帶啲爽口！ 紫心香芋丸：炸得香脆乾身，表面唔油膩，外層似薯
一行人來到，門口好多人等位中，好在大枱唔多人等，一陣就有位，
坐大廳！地方光猛乾淨！
大家一齊洗碗，因為碗筷頗油淋淋！
因為已到下午茶時段！有特價點心！落單食物好快到！
臘味粒炒飯（$58）粒粒分明，臘腸粒好多！材料足！
鮮竹牛肉球：牛肉滑，馬蹄爽脆，枝竹索晒肉汁！正！
鮮蝦菠菜餃：外皮煙韌，菠菜淋身無怪味，蝦爽口！味道清爽！
順德鯪魚球：煎嘅鯪魚球！唔夠炸嘅好味！
濃湯浸唐生菜：唐生菜較老！
黑椒金錢肚：索晒汁唔腥，肚淋身彈牙！
蜜汁叉燒腸：腸粉皮唔夠滑，比較硬，叉燒瘦，一般！
蜜椒雞中翼：香脆，外層香脆黏口，蜜糖甜膩，但雞翼唔夠肥，所以皮之外就唔夠飽滿肉汁！
腐皮素鵝：炸得少許過火，腐皮太乾，中央餡料多，蔬菜爽口！雲耳有咬口！
皮蛋酸薑:溏心皮蛋，好香！外層彈牙，內層起沙滑溜！酸薑爽脆開胃！
蟹籽燒賣皇：蟹籽多，豬肉有肉汁，加好香冬菇味！好味！
古法馬拉榚：圓型好像蛋糕！鬆軟微甜！好味
翡翠荀蝦餃王：皮煙韌，荀絲及蝦爽口！有肉汁！
潮式糯米卷：外層麵包鬆軟，中央糯米軟身煙韌！豐料珍珠鷄：足料，糯米煙韌
養生棉花鷄：棉花雞先係主角，索晒肉汁，唔會太淋，帶啲爽口！
紫心香芋丸：炸得香脆乾身，表面唔油膩，外層似薯波，味道鹹鹹地，中央芋頭蓉軟滑！熱到辣咀！
千層薑汁糕：熱辣辣，榚身層次分明！薑味勁濃勁辣！好像食緊煙韌薑糖咁！
香煎芋絲餅：芋餅煎得香脆，中央芋絲粗條有咬口，芋頭味道香濃
清香養顏紅棗糕：熱辣辣，榚身煙韌，好似蒸年榚，紅棗味唔突出！
黑糖蜂巢糕：熱辣辣，榚身充滿水份，咬落煙韌，黑糖甜而不膩
紫薯荔枝球：以為係包荔枝，食落先知係造型係荔枝！紫薯皮煙韌，中央包蓮蓉，幾滑唔太甜！
流心奶皇包：包身夠熱鬆軟，奶皇香，唔會過甜！食物唔錯，可惜服務中伏！店員態度其實唔差！但服務唔夠細心，一到埗，唔會攞洗碗大碗比我哋，大碗及公筷都係自己取！
因為我哋揸咗4架車，商場消費滿$200有泊車優惠，問店員可唔可以全部有泊車優惠，佢話可以，印咗4張單比我哋，仲提我哋要在商場另一間商店消費！等我哋買咗4張單，去到商場櫃檯，職員又話唔得，一張收據連信用卡收據只可一架車享用泊車優惠！結果因為走來走去又買嘢又搵吸票櫃檯，另外3架車仲超多一個鐘！中晒計，如果店員熟悉商場優惠或答唔知，我哋出去問清楚咪唔使浪費時間兼金錢！用多幾十蚊停車場錢！
張貼
