影片
更多
2020-07-24
638 瀏覽
前幾日同朋友經過深水埗，朋友介紹話呢間餅店好得，拉咗我入去買嘢食。個店面好乾淨明亮，深水埗原來都有啲咁靚仔嘅舖頭。呢度有提供搓手液，又有用酒精抺用具，衛生做得好足！店員好nice，會主動幫老人家夾包入袋，又叫佢地慢慢行咁~我朋友買左盒班蘭蛋糕同半打葡撻，而我就畀剛出爐嘅麻糬波波吸引，買咗袋返去食。呢度嘅麻糬波波比我喺其他店買開嘅大兩至三倍，仲有三隻味揀：芝士、朱古力同芝麻，$11有4個，一啲都唔貴，仲可以任配搭，一次過可以試哂三隻味~ 食落好有驚喜，外面個皮又香又脆，裡面煙煙韌韌咁。我最鍾意食芝士味，仲要係一食就停唔到口嗰種。第一次食咁好食嘅麻糬波波，香脆鬆軟，又煙煙韌韌，唔硬身，唔怪得個麻糬波波係呢度叫做QQ波，真係名副其實咁QQ！我都食咗朋友一個葡撻，同少少蛋糕，都好有水準喎！我覺得個班蘭蛋糕好似新加坡手信咁鬆軟，香味好清新自然。呢間真係食得過，我下次要去掃下有咩好嘢食！
個店面好乾淨明亮，深水埗原來都有啲咁靚仔嘅舖頭。呢度有提供搓手液，又有用酒精抺用具，衛生做得好足！店員好nice，會主動幫老人家夾包入袋，又叫佢地慢慢行咁~
我朋友買左盒班蘭蛋糕同半打葡撻，而我就畀剛出爐嘅麻糬波波吸引，買咗袋返去食。呢度嘅麻糬波波比我喺其他店買開嘅大兩至三倍，仲有三隻味揀：芝士、朱古力同芝麻，$11有4個，一啲都唔貴，仲可以任配搭，一次過可以試哂三隻味~ 食落好有驚喜，外面個皮又香又脆，裡面煙煙韌韌咁。我最鍾意食芝士味，仲要係一食就停唔到口嗰種。第一次食咁好食嘅麻糬波波，香脆鬆軟，又煙煙韌韌，唔硬身，唔怪得個麻糬波波係呢度叫做QQ波，真係名副其實咁QQ！
我都食咗朋友一個葡撻，同少少蛋糕，都好有水準喎！我覺得個班蘭蛋糕好似新加坡手信咁鬆軟，香味好清新自然。
呢間真係食得過，我下次要去掃下有咩好嘢食！
張貼