影片
更多
2021-03-28
2165 瀏覽
我同我家毛孩不嬲都好鐘意放假去鴨脷洲，而每次都一定會去whisker n paws飲杯咖啡，識下其他毛孩同狗奴。呢度同出面好多cafe唔同，呢度啲顧客係超friendly同文明，對所有毛孩都有極大包容，所以我哋真係好鐘意放假去whisker n paws.呢度有基本cafe餐飲提供，咖啡同burger都食得過，我每次都會食佢哋嘅impossible burger，水準絕對唔會因為佢哋係寵物店就失禮，當然你唔會期望驚為天人啦。話雖如此，間Cafe都有佢嘅問題。我曾經兩次，受過同一個後生男店員嘅氣。第一次問佢拎個紙杯我想裝水俾隻狗飲，佢黑口黑面咁話「我哋不嬲都唔會俾架」。呢個係第一次。直到上星期，我一個人帶住隻狗去whisker n paws，諗住同平時一樣買咖啡。點知又撞返同一個黑面店員，佢好惡咁話：狗唔入得嚟（cashier範圍）！我理解法例規定處理食物嘅範圍唔可以俾狗入，但你一間堂堂寵物cafe有冇啲人性化嘅安排？我一個人拖住隻大狗要點落order？如果唔入得去落order，你出面有冇整dog parking嘅勾？又或者店員可以出嚟幫我落order？難道一個人拖住一隻狗就不被歡迎？P
我同我家毛孩不嬲都好鐘意放假去鴨脷洲，而每次都一定會去whisker n paws飲杯咖啡，識下其他毛孩同狗奴。
呢度同出面好多cafe唔同，呢度啲顧客係超friendly同文明，對所有毛孩都有極大包容，所以我哋真係好鐘意放假去whisker n paws.
呢度有基本cafe餐飲提供，咖啡同burger都食得過，我每次都會食佢哋嘅impossible burger，水準絕對唔會因為佢哋係寵物店就失禮，當然你唔會期望驚為天人啦。
話雖如此，間Cafe都有佢嘅問題。我曾經兩次，受過同一個後生男店員嘅氣。第一次問佢拎個紙杯我想裝水俾隻狗飲，佢黑口黑面咁話「我哋不嬲都唔會俾架」。呢個係第一次。
直到上星期，我一個人帶住隻狗去whisker n paws，諗住同平時一樣買咖啡。點知又撞返同一個黑面店員，佢好惡咁話：狗唔入得嚟（cashier範圍）！
我理解法例規定處理食物嘅範圍唔可以俾狗入，但你一間堂堂寵物cafe有冇啲人性化嘅安排？我一個人拖住隻大狗要點落order？如果唔入得去落order，你出面有冇整dog parking嘅勾？又或者店員可以出嚟幫我落order？難道一個人拖住一隻狗就不被歡迎？Pet-friendly係一個態度，但似乎呢位哥哥仔就唔係好識。
最後我喺cashier外面大聲嗌出我要買咩，但我係俾唔到錢架喇，一係你出嚟收錢啦。最後我喺出面坐咗十幾分鐘，佢冇嚟收錢亦冇拎野出嚟，原來佢根本冇落到單！！！
雖然有兩次不愉快經驗，但我依然會繼續幫襯，因為其他嘅店員都好好人，睇得出真係鐘意動物。
希望呢位守cafe嘅年輕店員可以改善下啲態度啦。
張貼