八方台式麵屋 (新都城中心二期)

營業中

休息中

想平平地唔好食咁貴，就嚟左依間食台灣菜，又覺得幾好食喎，就紀錄一下。我叫左麻辣湯台灣牛肉麵，加台式雲吞，滷肉飯，加鹽酥雞，再兩杯黑糖珍奶。首先可以同大家講，黑糖珍奶好好味！平時行過真心要買杯啊！佢唔會過份甜，珍珠質素都好好，好正，唔驚肥真係想成日飲啊之後麻辣湯台灣牛肉麵，一開始見到個湯以為會好辣，點知食落啦唔會，仲好香！面質好彈牙，牛肉又唔韌，好好食！滷肉飯呢，一開始就以為佢好細會唔夠飽，點知又好好食喎！豬肉唔算太肥太膩，撈埋飯就岩岩好，至於雲吞唔算好特別，可以唔洗叫啦，鹽酥雞就好好好好食！細細粒又脆，唔油，正！重點係唔係太鹹啊！如果我再去，都一定會叫黑糖珍奶，佢仲有得叫熱飲，而家凍冰冰，岩哂啦！