篤篤車 (已搬遷) 新店位置

越來越多一式一樣的連鎖食肆進駐元朗，令我反而更想去尋找美食小店。今日又到良心、美味小店開餐。篤篤車稍為遠離大馬路，但也不難找，沿行明渠就找到。店內約有廿個座位，坐落不覺迫。夜晚都幾熱鬧，有堂食的，也有人駕車來買外賣。湯底有5款，最特別係泰國鱷魚湯、冬蔭公湯、咖哩湯。今晚叫咗個超值套餐 $62，有麵、小食和飲品，好抵食。泰國鱷魚湯米線今次特別揀不辣，可以盡情地飲埋個湯。可以食埋紅棗、杞子，補補氣血。飲落都幾順滑，沒有味精。米線分量適中，配清甜的鱷魚湯最適合不過。配菜-魷魚圈彈牙不韌。蘿蔔炆得好稔，而且吸收晒鱷魚湯的清甜。冬菇炆得非常入味。配菜夠味得來，不會搶咗湯底的風頭。嗜辣的一定要叫這個泰式鳯爪（大）無骨鳯爪沾滿泰式辣汁，正。底下仲有生洋蔥，天然的辣、爽口，越辣越想食。飲品中最鍾意個薄荷青檸梳打。大大片的薄荷葉未飲已經聞到好香好清新的薄荷味，立即提一提神。