影の鳥 (已結業)

城中熱捧，好難Book 位嘅影之鳥，經過幾晚午夜搏鬥，終於成功book到6:00時段。 走入影之鳥，就像走入六本木「洋式居酒屋」一樣，走摩登型格路線，賣的食物卻是傳統日式美食。裝潢以黑色作主軸，配以低調的古銅金色作陪襯，沉實而不失奢華。 一行四人在居酒屋吃晚飯，怎可能不叫一支餐廳自家的清酒呢？店員用一個冰鎮分酒器為我們倒酒，賞心悅目，增加唔少氣氛。影之鳥純米大吟釀清酒入口柔滑，花香味延後而至，回喉甘醇，相當出色，必試。 我們點了好幾款串燒：免治雞肉棒、雞軟骨粒串、鹽燒雞肉串、豚肉露筍、鹽燒牛肉，全部火喉控制恰到好處，最重要的是上枱時間剛剛好。要知道串燒必須要熱騰騰才好吃！ 當晚我哋一如慣例請店員推介，佢推薦 黃金鱈場蟹卷，意想不到的出色同美味，相信係因為來貨非常新鮮。建議大家都可以請店員推介一下。 另外，我哋點咗燒鹿兒島西冷、牛油果軟穀蟹卷、日本和牛壽喜鍋，皆屬水準之上。 總結食物、裝潢、服務均屬出色之作，如果訂位較容易的話，很希望一去再去。