晶輝飯店 (已結業)

搬出大角咀多年，偶然同老婆慶祝周年經過老店，正想回味晶輝一絕 - 雞煲，叫單時店員聲稱老鋪已易手，舊老闆已退休。一聽之下，心知不妙。果然雞煲一出，成地眼鏡，同幅相係兩回事。雖然已有一半失望，不過既然煮咗，唯有以「煮到埋嚟就食」嘅心態一試新雞煲，果然一試難忘！雞汁太稀，雞肉係蒸過嘅雞，好「鞋」，配料中筍片帶酸未入味，我唯有只食我所好嘅洋葱，老婆只食云耳！一半都未食完，就埋單$158走人，兩公婆周年紀念，有過難忘經歷！希望只係雞煲出事，其他炒小菜冇出問題啦！😫