影片
更多
2024-06-11
91 瀏覽
今日lunch time同同事去公司附近揾餐廳食，見近近地就冇諗太多，坐低就求其叫啲嘢食。午巿時間，餐廳唔算多人，一直都有吉位，其間又冇咩人揀呢間茶記外賣。入到去，待應比咗一啲常餐同飯餐嘅餐牌我地，見我地睇咗一陣都未落柯打，跟手就比多兩個散叫嘅餐牌我地睇，見入面選擇仲多花款，感覺待應態度幾好，肯比多兩個餐牌我地揀嘢食。我地就叫咗一個常餐同一個散嗌，點知落單嗰下，呀姐一聽到我叫散嗌，態度即時180度轉變，寫都未寫，即時同向樓面同廚房放聲大叫咗兩次食物名，不突止，仲對住我話話：「午巿叫呢樣，真係高難度！」。期間廚房師傅收柯打之後，就只係重覆咗食物名，就去整了。坦白講食物味道係唔錯嘅，整出嚟都新鮮，慶幸嘅係廚房冇助紂為虐，幫呀姐加我地呢枱料，令到啲食物更加「出色」…其實，我並唔介意待應坦白同我講午巿只會賣某啲食物，其他嘅就只會喺非午巿時段供應。咁樣既可以有效地同客人溝通你嘅期望，又可以心平氣和地道出你自己嘅意見。但喺呢位飲食從業員嘅身上，我只係睇到：佢恃住自己身為茶餐廳嘅一份子，試圖以主場之利同同事嘅交情去奚落一位食客嘅選擇，好彩嘅喺當時茶記無任何一位待應呼和佢，又或者作出一啲舉動慫恿佢去繼
其實，我並唔介意待應坦白同我講午巿只會賣某啲食物，其他嘅就只會喺非午巿時段供應。咁樣既可以有效地同客人溝通你嘅期望，又可以心平氣和地道出你自己嘅意見。但喺呢位飲食從業員嘅身上，我只係睇到：佢恃住自己身為茶餐廳嘅一份子，試圖以主場之利同同事嘅交情去奚落一位食客嘅選擇，好彩嘅喺當時茶記無任何一位待應呼和佢，又或者作出一啲舉動慫恿佢去繼續言語欺凌我地呢一枱，只係緊守崗位，默默耕耘…
大家都係打工嘅，放lunch大家都只係得一個鐘頭，打工無話邊個比邊個壓力大，邊個比邊個份工作更加高尚，既然係咁，點解唔可以多啲體諒，少啲爭執，話哂都係打工仔，相煎何太急呢？
張貼