興樂菜館

營業中

休息中

係呢度食左超過5次，食物味道幾好，但員工唔係好公道，我地食左個十餸餐，飲左四支啤酒，三碗飯，因為我地拜神所以有燒肉我地問佢你可以唔可以幫我地斬開，係度食，都預左要收錢，但佢個陣話無問題我地幫你，佢無講話要收錢，都食飽比錢，佢收我地$777，我地計一計係計錯，十個餸$558，一支可樂$17，啤酒$33一支 x4=$132，一個飯$11 x3=$33，$558+$17+$132+$33=$740，即係$777係錯，我地同佢講計錯，可能計多左支啤酒，佢翻到去就話係喎你地斬燒肉都未計，收多你$60，一陣又唔知點計計到$810，好又比左錢佢，行出去又計下唔係喎計多左$10，我地又同佢理論，佢再計，又話張手寫單我寫燒肉係$70，就計70啦，計三次都錯？我同佢講你收我地斬燒肉錢唔緊要，但你可以同我地講聲先考慮斬唔斬，佢話我幫你啦，無講過話要收錢，okay fine我地比囉，但你一陣又話60一陣又話70，你講1000都可以架啦，我地都要比架啦。同佢講，佢話比翻$60你地，你地走啦。我同佢講而家係你錯你仲同我鬥大聲叫我走，你同我鬥大聲我咪大聲過你囉，當我好好蝦？惡人先告狀次次黎長洲都黎呢度食，但而家你咁