大橋頭餐廳

營業中

休息中

大橋頭餐廳68蚊一人火鍋一人火鍋嘅份量十足，大量嘅蔬菜，娃娃菜同生菜。再加上肥牛，各種爽口彈牙嘅肉丸，烏冬，兩個人都夠食。特別欣賞爆汁又爆芝士牛丸，非常驚喜。車仔麵我同朋友都係超級米線控，所以加多個車仔麵，米線底。車仔麵已豬骨湯熬製，材料揀咗豬肚，牛柏葉同埋牛腩。餐廳特別為我哋準備咗秘製辣醬，滿足朋友食勁辣嘅要求。鐵板雜扒餐鐵板雜扒餐帶嚟超級豐富嘅蛋白質。雞肉嫩滑，豬扒入味，腸仔同午餐肉煎得外面香脆。我哋揀咗黑椒汁，好鍾意波浪紋薯條吸收晒肉汁同埋黑椒汁嘅精華。菠蘿沙冰&益力多沙冰無論係食火鍋，定車仔麵，定鐵板餐，沙冰都非常配合。我飲嘅益力多沙冰，益力多味濃，酸酸甜甜， 正好中和火鍋鐵板嘅熱騰騰感覺。