Bistro La Bon (已結業)

bistro la bon $250 今晚肥妹仔同屋企人近近哋去咗觀塘一間樓上嘅西餐廳度食晚餐。我哋四個都叫咗setdinner ，貪佢有湯，沙律，頭盤，主菜仲有甜品，餐飲添!巴馬火腿楊桃沙律沙律菜有火箭菜，生菜等等，非常新鮮。 巴馬火腿唔算好咸， 淡淡嘅油脂香味，好好食。而佢嘅dressing係酸酸甜甜，好香楊桃味，非常新鮮。韓式泡菜醬火焰澳洲藍鮑魚就係聽個名都已經不了!佢係一個冷盤，個鮑魚係用咗韓式辣醬調味，鮑魚肉質比較硬淨， 爽口彈牙， 肥妹仔好少食用鮑魚做冷盤嘅菜式，不過呢一個真係令我大開眼戒。忌廉南瓜湯勁香南瓜味，真材實料，好鮮甜好香。北海道帶子麵包蟹王闊條麵半壓縮俄羅斯魚子醬 $258呢一個係肥家姐叫嘅，齋係個名都已經嚇死人!又魚子醬又蟹黃 ，不過食落去真係好香好鮮味!佢嘅闊條麵係比較粗身，食得出係好香麵粉嗰陣香味。帶子嚇死人，非常大隻，鮮甜爽口彈牙，表面煎到微脆，食落去係啖啖肉，超級滿足。大阪味噌燒智利銀鱈魚柳 $288呢一個係肥媽叫嘅，肥媽鍾意食海鮮多個肉類。不過呢一個鱈魚柳肥妹仔都試咗一啖，真係要強推!因為真係好滑，魚味好出。佢唔需要過份嘅調味，就咁煎香已經超級好食。