甜品堂 (已結業)

住係附近街的我，今次一行六人去幫趁下，朋友話過都唔平，所以一齊去開心D又可以share下。我地各人叫的食物+評語如下：綠茶綿綿冰 (伴紅豆及煉奶)： 冰都幾滑，不過完全冇味，只係食緊冰，冇抹茶香。煉奶好貴咩？得少少…吊味都唔夠牛奶綿綿冰 (伴紅豆及煉奶)：都係冇牛奶味，枉佢大大個招牌話係北海道牛奶黑芝麻湯圓：一睇就知粒湯圓係即場由雪櫃攞出來，個樣又鞋又肉酸，味道還可以紅荳沙：唔知點解可以酸架？問佢仲答剛剛煲…好無奈。熱蒸蛋白：又係凍既…味道已經唔想講…朋友叫左個「疏付利」：成半個鐘先來，又細份量…埋單二百幾…早知落源記食！以後唔再去！最慘係，個老闆娘一D笑容都冇，咁樣好快就摺埋！西環既食店多數因為咁而靜靜地離開。