十勝庵 (已結業)

相信沙田友很少踏足頗隔涉的禾輋邨（居民除外啦當然），近期忽然熱鬧起來了，吉之島外，還有多間食肆在禾輋商場插旗，驟眼望去重同歷史悠久，感覺較古舊的禾輋格格不入（之前怎聯想得到MOS Burger會在禾輋）．特登由新城市廣場行去禾輋，必經之路－長長的行人天橋當勾起不少童年回憶，以前覺得要行好耐，山長水遠的，現在像幾步就到．．．．．．商場無咩特色，地下一層就是新開發地點（以前係咩唔記得lu），看見十勝咩，外形趣緻的魚形餅睇介紹見得多，但就真係未試過，我估同以前新城市廣場間八伯伴賣的燒餅差唔多味啩，要了一客吉士味，揸上手，唔凍唔熱，食入口，OS!!咩嚟架？我未食過魚仔餅，正宗,好味的魚仔餅應該係點架（抑或呢樣根本就係唔好味嘅食物）？斷估唔係外皮略韌，咬得開入口就即散（嗰種散法好似去沙灘砌嘅城堡推少少就成個倒塌傾潟落嚟），好粉，內裡吉士少得可憐，由內至外都淡戌戌冇厘味道，好難食好難食．以後恐怕聞魚色變