影片
更多
2017-12-10
5416 瀏覽
去到母親大人生日既日子，梗係要食餐靚D既野～ 本來覬覦某幾間酒店自助餐，但太遲book已full house。後來改為lunch，決定黎grand hyatt飲下茶試下中菜～由於一家都食過早餐，所以以下叫既菜式份量雖然唔多但已飽肚（飢腸轆轆就要另外考慮下菜式啦)冰鎮鮑魚：本來好驚‘冰’鎮會好凍，凍到我既敏感牙齒咬唔到；但原來佢既冰鎮係用冰係個碟出面‘鎮’住， 唔怕冰水溶左影響味道，又可以涼涼地當前菜食，唔錯！入面大概有3﹣4隻鮑魚仔，同埋超新鮮既露筍！真係‘shop shop'聲架，一D粗纖維都無。鮑魚超入味，甜甜地肉質又好彈牙，唔會好似D饑燒鮑魚咁得D醬汁味，正～點心花園（2位用）：我地5個人叫左2份，好似點心拼盤咁，貪佢可以每樣試D；有4款，蝦餃、黑松露菌菌餃（btw其實好似係叫什菌素粉果）、鮑魚肉餅同3色餃。我試左頭3款，質素都好高！首先蝦餃大大粒鮮蝦走唔甩，而且值得一讚係個餃皮！煙軔得黎唔會易爛痴牙，薄得黎又包實晒D餡同吸左D味；素粉果亦如是，有黑松露香之餘仲有其它菌菌既配搭，滿到’舍‘既餡料切得好幼，好想食多幾隻！鮑魚仔都幾好，下面釀左D肉餅，有D分離不過2樣野分開食都好味既
由於一家都食過早餐，所以以下叫既菜式份量雖然唔多但已飽肚（飢腸轆轆就要另外考慮下菜式啦)
冰鎮鮑魚：本來好驚‘冰’鎮會好凍，凍到我既敏感牙齒咬唔到；但原來佢既冰鎮係用冰係個碟出面‘鎮’住， 唔怕冰水溶左影響味道，又可以涼涼地當前菜食，唔錯！入面大概有3﹣4隻鮑魚仔，同埋超新鮮既露筍！真係‘shop shop'聲架，一D粗纖維都無。鮑魚超入味，甜甜地肉質又好彈牙，唔會好似D饑燒鮑魚咁得D醬汁味，正～
冰鎮鮑魚
74 瀏覽
0 讚好
0 留言
點心花園（2位用）：我地5個人叫左2份，好似點心拼盤咁，貪佢可以每樣試D；有4款，蝦餃、黑松露菌菌餃（btw其實好似係叫什菌素粉果）、鮑魚肉餅同3色餃。我試左頭3款，質素都好高！首先蝦餃大大粒鮮蝦走唔甩，而且值得一讚係個餃皮！煙軔得黎唔會易爛痴牙，薄得黎又包實晒D餡同吸左D味；素粉果亦如是，有黑松露香之餘仲有其它菌菌既配搭，滿到’舍‘既餡料切得好幼，好想食多幾隻！
鮑魚仔都幾好，下面釀左D肉餅，有D分離不過2樣野分開食都好味既。
點心花園
165 瀏覽
0 讚好
0 留言
黑松露菌菌餃
64 瀏覽
0 讚好
0 留言
點心花園之鮑魚
94 瀏覽
0 讚好
0 留言
海鮮炒飯（好似係）：望落好普通既濕炒飯，但非常好食！有鮮蝦、菇同瑤柱絲打成既莢汁舖面，飯係炒底，非常有鑊氣！！原來大廚就係每樣簡單的菜都煮得不簡單！
海鮮炒飯？
75 瀏覽
0 讚好
0 留言
酸辣湯／家鄉拆魚羹：跟住每人飲款湯，後生既叫左酸辣湯飲，“長”輩就叫左waiter推介既家鄉拆魚羹。由先酸辣湯係全餐入面覺得最普通的，唔係話佢唔好食，但總覺得味道差少少野，可能唔夠辣或唔夠酸？可能大廚係南方人，煮唔到上海菜果種味。不過值得讚的是材料非常”足“，入面既豆腐仲係一條條既添，好刀功！
坐中間既我當然食兩家茶飯xD試埋個魚羹！好滑好鮮甜，個羹好綿，好似D煲左好耐既粥咁～母親大人都滿意～
酸辣湯
75 瀏覽
0 讚好
0 留言
家鄉拆魚羹
102 瀏覽
0 讚好
0 留言
豚肉炒菜（豆筴）：本來我唔係特別鐘意豆筴，但呢個真係有驚喜！第一次食到咁新鮮又爽甜既豆筴，而且兩邊既絲挑得好乾淨，又係’shop shop‘聲！係咪要好勁既火喉加上時間控制得剛剛好先可以炒到呢種味呢？
豚肉炒露筍
78 瀏覽
0 讚好
0 留言
欖菜蠔煲：雖然係母親大人生日，但都叫左個老豆最愛既蠔。係新鮮大大粒既蠔而唔係蠔豉黎架，熱辣辣好香，太心急既我咬落去俾入面既蠔汁辣親個咀！大家要小心！不過隨之而來既鮮蠔味已俘虜左我...辣親都抵！
欖菜蠔煲
93 瀏覽
0 讚好
0 留言
最後值得一提的是，呢度既XO醬好好味！少少辣，好足料，waiter見我地分晒D XO醬仲好貼心咁主動攞多一碟黎～
醬料
58 瀏覽
0 讚好
0 留言
環境好， 質素高，價錢當然都貴；不過做慶生又好節日慶祝都好，不失為飲靚茶既好選擇～
btw本來最後想叫甜品，但因望落不十分吸引／無D特別D既款式，所以嘆埋壺茶就滿足地離開了～
張貼
