皇室甜品 (眾安街)

營業中

休息中

呢間真係無下次，堂食已經唔算多人，講緊得3枱客，落單等左半個鐘，見到後黎嘅人叫嘅野食都已經上左加食完準備走，我地果枱叫兩樣野（一個心太軟、一碗糖水），平時心太軟喺其他糖水舖都要等15~20min所以我地都無催單，但足足等半個鐘，連另一碗糖水都唔見影，到催單佢地先話無落到單？講緊你得3枱客都可以做到漏單，之前都食過兩次外賣，野已經唔算好食，喺貪你呢間收得晏先黎幫襯，點知得到嘅就喺浪費咗大半個鐘仲要問先話無落到單，仲要問返我地轉頭落過咩同你再落，一句唔好意思都無另外衛生環境都喺一個問題，張枱喺無抹乾淨，上手食完啲雪糕漬、糖水漬仲喺枱為免自己過一排經過唔記得又中伏，喺呢度mark返低。