金功夫點心小廚

營業中

休息中

復活節大部分嘅朋友都一家人出外旅游而我哋今年就留香港消費。 約咗朋友一家人太约三四點去咗黃金海岸沙灘玩， 這樣小朋友可以玩下沙同埋望下無際嘅海，之後食飯， 真係十分之寫意及開心。 當天天氣唔係太熱， 所以好多人都係沙灘享受陽光。 跟住之後我哋去咗黃金海岸廣場食晚飯， 黃金海岸廣場有中餐西餐同埋茶餐廳， 因為選擇唔多所以最後都係揀咗間中餐廳。我們看咗餐牌之後，點咗五樣餸，1.海王雜菜煲 2.脆皮蔥油雞半隻 3.秘製滷水鴨半隻4. 翡翠炒花姿蝦仁 5.雲腿麒麟豆腐海皇什菜煲入面有海鮮粉絲同埋有啲雜菜 ， 清淡小小 比較適合唔想食肉嘅朋友。脆皮蔥油雞味道唔錯比較好食。秘製滷水鴨半隻煮得幾好同埋淋， 我食落都喜歡。翡翠炒花姿蝦仁其實係有蝦有蛋同埋有西芹， 對於膽固醇高嘅人，西芹是有幫助減低膽固醇。雲腿麒麟豆腐我覺得金華火腿幾入味同好食， 豆腐又滑又好味，對小朋友來講，容易入口。下次如果再去黃金海岸我哋可能會都會嚟呢度， 因為兩個家庭晚餐六百幾蚊都算便宜。