微辣大排檔 (已結業)

以前有睇微辣既短片，都知道佢地黎左香港開大排檔，不過就一直都冇時間去食，今次咁岩經過，就決定試下。首先，去一間食店最悶既就係等野食既時間。但係因為微辣自已既元素，佢每一度嘅裝修同飾品佈置都好有趣，而且透過所謂既名場面，都會讓人會心一笑，完全打發曬等食物既時間，幾好。其次，係食物方面，佢應該同左幾間有名既鋪頭聯成，所以質素應該都有保證。今次入去叫左個乾炒牛河午市套餐，包野飲同湯。個湯幾濃，不過略鹹。個牛河幾香，d色水都好靚，如果口味比較重既朋友應該都會覺得唔錯，最後杯餐飲叫左奶茶，幾滑，同幾香。總體黎講印象都唔錯，有機會都會再去試下