Bella Shine (已搬遷) 新店位置

接女朋友公主放工，佢話想食啲特別嘅甜品！心諗：雖然我周圍食嘢姐，但甜品真喺唔好喎！喺準備開火之前，終於有老友推介觀塘工廈區有好嘢食！真喺救咗小弟一命！我就膽粗粗去咗依間遠離地鐵站少少嘅 fusion 西餐廳！一打開電梯門，心諗：老友，你真喺好介紹，成間紙廠喺隔離！公主已經黑面咗！但永遠驚喜都喺後頭！嘩，裏面環境裝修真喺幾好，全木製傢俱，環境非常乾淨！擺設都幾有心思，而且都幾浪漫！見到公主笑返，我都放心哂！有時公主都幾好，知我食得清啖咗，搵錢辛苦，都為我設想叫咗兩樣餸！首先，我哋叫咗《安曇野豆腐沙律》，依個沙律我覺得似日式做法！個醬汁少少酸酸甜甜，真喺幾開胃！而且個豆腐幾滑身，加埋幾粒唔知咩嘅果仁，都幾有口感！公主好嘅地方喺容易笑返！佢最愛嘅《心動一刻》上枱！我好奇問侍應哥哥仔，依個白色太空館點食呢？當我想用隻鐵匙 block 爆佢之際，哥哥仔叫我未心急！佢攞上好熱嘅朱古力淋喺上面！Wow，個太空館熔咗，見到裏面心太軟！見到咁驚喜嘅一刻，作為麻甩嘅我，心都軟埋！唔怪得公主咁鍾意食甜品啦！依餐驚喜嘅甜品，老友真喺冇介紹錯！不過我個人認為可以做得更好喺，如果個心太軟喺其他顏色或者味道會更好，