影片
更多
2017-06-14
47 瀏覽
人哋話冬天就最好打邊爐，雖然而家咁熱，但係打邊爐嘅人確實唔少。唔知大家打邊爐嘅時候最鍾意食啲乜嘢湯底呢。我個人就最鍾意食啲湯底比較濃郁啲，甚至係有酒味嘅。因為我身為一個比較寒底嘅人就好鍾意飲完湯個身有種熱辣辣咁嘅感覺。呢度出名嘅除咗係烤魚之外，仲會有一個益生菌醉雞鍋。湯經過長時間煲過，好濃嘅湯，入邊仲有唔同嘅菇類，有茶樹菇，金菇，雞髀菇同埋靈芝菇。我哋叫咗一隻雞嘅份量，佢俾咗兩碟，一碟就有半隻雞嘅份量，其實半隻雞嘅份量已經非常之足夠三至四個人食。本身個湯底已經夠晒濃郁，夠晒好飲，但係再加埋已經醃制過嘅醉雞，嗰種刺激嘅感覺更加暖入心。真係飲完成個人都暖晒非常之正！除咗雞窩之外，如果想食啲串燒的話，呢度都提供左好多唔同類型。特別推薦就係牛脷同埋白膳。牛脷一串已經有三件，咬落去厚身，有口感，非常好食。另外白鱔仲配埋拒特製嘅醬汁，食落去嘅鮮味之餘仲會有醬汁嘅味道。仲有呢一個小食涼拌魚皮，魚皮係比較傳統嘅做法，係以前嘅粥店先至會有呢一樣嘢食。而家真係買少見少，因為整工序都十分之多。但係往往工序越多嘅嘢就越好食。用上麻油同胡椒調味，再配上嘢味嘅蔥同埋姜，惹味非常。另外仲有個飲品，並唔係你普通嘅汽水
我個人就最鍾意食啲湯底比較濃郁啲，甚至係有酒味嘅。因為我身為一個比較寒底嘅人就好鍾意飲完湯個身有種熱辣辣咁嘅感覺。
呢度出名嘅除咗係烤魚之外，仲會有一個益生菌醉雞鍋。湯經過長時間煲過，好濃嘅湯，入邊仲有唔同嘅菇類，有茶樹菇，金菇，雞髀菇同埋靈芝菇。
我哋叫咗一隻雞嘅份量，佢俾咗兩碟，一碟就有半隻雞嘅份量，其實半隻雞嘅份量已經非常之足夠三至四個人食。本身個湯底已經夠晒濃郁，夠晒好飲，但係再加埋已經醃制過嘅醉雞，嗰種刺激嘅感覺更加暖入心。真係飲完成個人都暖晒非常之正！
除咗雞窩之外，如果想食啲串燒的話，呢度都提供左好多唔同類型。特別推薦就係牛脷同埋白膳。
牛脷一串已經有三件，咬落去厚身，有口感，非常好食。
另外白鱔仲配埋拒特製嘅醬汁，食落去嘅鮮味之餘仲會有醬汁嘅味道。
仲有呢一個小食涼拌魚皮，魚皮係比較傳統嘅做法，係以前嘅粥店先至會有呢一樣嘢食。而家真係買少見少，因為整工序都十分之多。但係往往工序越多嘅嘢就越好食。用上麻油同胡椒調味，再配上嘢味嘅蔥同埋姜，惹味非常。
另外仲有個飲品，並唔係你普通嘅汽水，而係共廚家作的成果，又好味，好特別，真係十分需要支持。
張貼
