憶食尚臘味煲仔飯

營業中

休息中

今晚去咗間環境高級雅致嘅中菜館，店内裝潢考究，屏風將枱同枱之間隔開，保持私密性。樓梯旁嘅牆上加咗幾幅畫，增添咗藝術氣息，而碗碟上嘅花紋同蝴蝶刻工，更顯得細緻。滋潤燉湯食材嘅精華都完美融合入湯底，湯水清澈透明，飲到蟲草花嘅甘香，瘦肉鮮美，龍眼肉嘅甜味提升咗整體滋味，滋補養生。風味小炒皇 韭菜經過快火快炒，保持住咗清脆同新鮮，魷魚炒到外表微焦，口感彈牙。甜蜜咕嚕肉每一塊咕嚕肉都炸得外皮酥脆，肉質保持軟嫩，酸甜汁中和油脂，甜味恰到好處。廣式臘味煲仔飯用上自家製臘味 - 臘腸、腊肉、臘鴨，味道鮮香，充滿着濃郁嘅香氣，米飯用上黑土種植五常米，煲仔飯底部有一層香脆嘅飯焦，必試之選。另外叫左2杯特色飲品，顏色鮮艷吸引，味道清新又解渴。