一虎

營業中

休息中

夜晚係灣仔行完街，朋友提議不如食拉面，咁我地就去左附近的一虎拉麵。我地8點左右去到，正值比較多人食飯的時間。舖頭座位唔算多，我地等左大約10分鐘就可以入座，都算快。入到去，見到舖頭間隔、裝修同日本的拉麵舖好相似。望下餐牌，我就揀左黑虎拉麵，朋友就選左招牌的一虎拉麵，另外我地仲叫多左一客煎餃子share食。 黑虎拉麵 8/10分 黑蒜味好香，配合豬骨湯一流，個湯底想一飲再飲。叉燒肥瘦適中，拉麵彈牙，唔會太軟身。最值得讚係溏心蛋，好好食！ 一虎拉麵試左個湯底，好濃的豬骨湯，好正！ 煎餃子 皮薄，煎得好香，入面充滿肉汁。