釜之魂釜飯專門店 (淘大商場) (已結業)

想試好耐嘅釜飯專門店。網上好多人都話佢嘅釜飯好好味，上星期終於去咗試，舖頭比想像中大間，裝修得幾靚，超級日本風情。有好多款小食，每樣都唔係好貴，所以我叫左好多野。兩個人食完飽到飛起😂😂😂沖繩苦瓜餃子22蚊真係苦瓜碎係入面，少少爽，少少苦，鐘意食苦瓜嘅要試下喔！鹽燒三文魚頭68蚊咸咸香香嘅三文魚頭，啲皮煎到好脆，好重collegan。燒芝士年糕42蚊我好鐘意呢個年糕，煙煙unun, 咬開啲芝士熔走晒出嚟，唔會太漏。必試呀！和牛釜飯108蚊好多好多牛肉，個汁係黑椒汁，加埋啲洋蔥食，個飯好香口，加埋少少焦香嘅飯底，食完一啖又一啖。髒髒炸香蕉呢個甜品令我好驚喜。入面有好creamy嘅香蕉同埋煙煙unun嘅皮包住，面頭再有好多朱古力粉。好好食，我like!