Ben哥米線

營業中

休息中

Ben哥米線，並唔係一間新開嘅店舖，聞說老闆同以前嗰間係一樣，只不過shareholders唔同咗。呢度落單，並唔係好似一般米線鋪，要用紙圈低你要食咩餸同米線要幾辣， 而係要喺個位度大大聲叫出嚟，等阿姐喺cashier用電腦幫你落單，算係呢度特色之一。今日下午茶時段，叫咗碗豬軟骨墨魚頭墨丸米線。 呢度嘅豬軟骨係有脆骨嘅，食落相當之有咬口。而墨魚頭就係呢度嘅出名食品之一， 十個有九個都會叫， 反而個墨丸就麻麻地，太粉。湯底叫咗少辣，不過同唔辣冇乜分別。 下午茶時段，飲品免費。 唔使60蚊，又一餐啦。