燒味滷師 (富榮花園) (已結業)

星期日去左大角咀同朋友housewarming，經過見到呢間燒味滷師好吸引，價錢又唔貴，一於買返啲上去朋友屋企加餸先得😃燒味佬叉燒 ($40/斤)燒味我一定會叫叉燒，佢地既叉燒肥瘦適中，有啲仲帶少少燶邊，送飯就最正🥳泰式鳳爪 ($32)估唔到呢度連泰式鳳爪都有，鳳爪好入味，配埋泰式酸辣汁好開胃😋😋至尊燒鵝 ($110/上庄)平時出面食燒鵝都唔平，佢地呢度百幾蚊已經有上庄，燒鵝皮香脆可口，肉味香濃且多汁，推介💯客家鹽焗雞 ($35/半隻)佢地既鹽焗雞都好出色，唔會過鹹，雞皮嫩滑，肉質鮮嫩，正👍🏻👍🏻👍🏻