麻辣風雲 (京都廣場) (已結業)

🉐川菜酸菜魚專門店🉐分量超多前菜小食🥜🥗一坐低職員就會放低兩小碟前菜，今日嘅前菜就係紫菜花生同埋中華沙律。酸菜魚🐟🍲酸菜魚可以自選辣度同埋酸度，以唔係食得太辣來講，小辣就啱啱好，魚片份量極多，一條魚骨都冇，絕對唔怕食食吓比魚骨拮到，另外，入邊仲有萵筍、豆卜、薯粉、芽菜等等，非常足料。炸饅頭🥖⛵️除咗酸菜魚，炸饅頭亦都係餐廳嘅招牌菜，先唔講味道，淨係講賣相已經好有驚喜，將炸饅頭放喺一架有古代感嘅船上面，旁邊仲有啲煙飄出嚟，非常有趣，而饅頭炸到金黃色，唔會太乾，外脆內軟，一路食一路沾煉奶，正！蒜泥白肉🧄🥓肉嘅份量非常多，上面鋪滿巨量嘅蒜泥，唔算好辣，食得好過癮。麻辣海蜇🌶️🐙小食以麻辣口味為主，而海蜇都唔例外，辣度就比蒜泥白肉辣得多，份量都係超多，好抵食！食辣嘢又點可以少得嘢飲呢，餐廳有好多款啤酒可以揀🍺，仲有其他特飲🍹，就算點辣都唔驚啦！