嘉樂冰廳 (U PLACE) (已結業)

荃灣名物嘉樂冰廳開到嚟土瓜灣，以後唔使突登入荃灣食喇。而且土瓜灣店舖面積比本店大好多，唔使排長龍之外亦坐得舒服。食物選擇多，由三文治、湯麵、意粉、飯類至港式粉麵都有。鹹牛肉厚蛋治係嘉樂嘅招牌菜，可以話係必嗌！炒蛋嫩滑蛋味濃而且份量多足足有成吋厚，夾埋鹹牛肉好好味炸鮮蝦雲吞係即叫即炸，上枱時仲熱辣竦，雲吞皮炸得酥脆唔油膩咖喱吉列厚切豬扒飯份量大，港式咖喱充滿椰香帶微辣，非常惹味吉列厚切豬扒表面薄薄一層吉列炸皮，炸得脆身唔油膩，肉質唔鞋口。脆爆華田西多士炸到金黄色賣相好靚西多士麵包鬆軟帶蛋香，面頭有細片鮮牛油同華田脆脆。因為無落糖漿或者煉奶所以唔會太甜，食完唔覺膩。整體嚟講食物質素幾好，招牌菜鹹牛肉蛋治同炸雲吞貼近荃灣本店嘅味道，比較之下無本店咁油膩，可以話係更出色而且唔使排長龍，地方闊落坐得更舒服。