和田日本料理 (已結業)

依間分店和田放題已經係我必食既放題，刺身真係唔錯，刺身係重要目標一定必先叫，亦係食放題唯一目的! 熱食都唔差，所以值得再去，今次都唔例外。Book左1930都係可以1925左右入去坐住先! 刺身首先到，虎蝦、希靈魚、榮螺、三文魚、劍魚、馬刀貝等全部好肥美新鮮，未食完都叫定第二輪刺身!雞翼好乾又無咩味，炸蠔幾新鮮!第二輪刺身好快又到，全部一樣好新鮮美味，馬刀貝爽口，虎蝦新鮮，外面放題好少有虎蝦!鰻魚壽司唔錯，飯少唔會太飽肚!上面係茄子唔錯，中間係花之戀，都係飯少而且外層三文魚肥美新鮮，食左2件，下面係八爪魚無咩特別!酒煮蜆，完全無酒味，成碟無味怪怪，不過蜆幸好無咩沙!第三輪刺身...都係果句，全部好肥美新鮮! 值得一食再食，出面好多都係第一輪新鮮d，其他round都一般，不過依間唔係!海膽碗仔翅…消失了的海膽…男友覺得唔錯飲哂!羊架係一值希望想放題做得好…不過都係唔得，好”鞋”好乾，唔會再叫…飲品都算多任食，有可口可樂、芬達、忌廉、菜蜜等等，酒就要收費!雪糕要自己出去攞，有芒果味、芝麻味、薄荷朱古力味、紅豆味同綠茶味，不過唔知咩牌子，只好味係芒果味，芝麻味同薄荷朱古力味! 我食左6球了…