潮龍園

營業中

休息中

平時冇乜胃口就會去食粉麵當一餐。除咗廣東雲吞麵舖，潮州牛腩/魚蛋檔都係本地傳統食物。🍜平時都會嚟開呢間潮龍園。佢哋出名牛腩牛丸，但係我重點推介佢哋嘅牛坑腩同埋墨魚丸。牛坑腩又淋又重牛味，少肥食落唔會有渣，配粉麵份量都好多。唔想食湯麵仲可以轉撈麵或者飯。墨丸魚雪白彈牙之外，仲有墨魚粒係入面。食入口同平時食開嘅好唔同，食過就會明。成餐都係食咗六十零蚊到，平平地又一餐嘅好選擇。仲可以買生丸生餃返屋企食。