華輝餐廳 (已結業)

大埔街市附近行左好耐都諗唔到食乜，但又想飲杯茶，最後去左搵華輝，有睇紅Van套戲既朋友都唔會對呢間茶記陌生。尼到一定必試佢個蘋果批或雞批，我個人係蘋果批fans同埋對雞批無乜興趣，每次去到都必點蘋果批。如果繁忙時間點，記得叫佢幫忙叮熱，皮酥脆再加蘋果蓉同蘋果粒，好彩既仲會有提子乾喺入面，味道好夾。餐蛋麵都係舊式茶記款，麵唔會淥得唔會太淋，少少生有d咬口，唔好期望佢塊餐肉會好厚，但都唔會好薄。仲有一個我幫襯既原因係熱飲係用玻璃杯。都係果句，食野口味好睇個人，但我本人唔會話味精野係無味精，酸既野係甜。