糖心軒

營業中

休息中

糖心軒酒家前身係「魚翅城」, 創辦人鄺先生係專營鮑參翅肚， 家族在魚翅行業內舉足輕重， 所以雖然係嚟飲中午茶， 但點都要試下佢個足而二兩雞湯翅。足二兩雞湯翅， 呢碗雞湯翅足料不在話下， 個湯底都餚得好濃都， 真係物有所值。水晶蝦餃皇， 大大隻鮮蝦食得出好爽好鮮， 個蝦餃皮要攤凍少少先至夠煙韌。原隻鮮蝦腸粉， 鮮蝦腸粉入面啲蝦係同蝦餃一樣嘅蝦， 不過腸粉皮稍厚唔夠滑。魚肚蒸滑雞， 魚肚夠厚又夠淋，食得出係上等貨， 雞都好滑，味道唔錯。瓜子馬拉糕， 瓜子仁撒滿馬拉糕表面，糕夠鬆軟，甜度適中。今次用餐整體感覺良好， 希望下次再嚟可以試下晚飯時段嘅小菜。