影片
更多
2013-06-10
245 瀏覽
朋友在附近工作，剛巧見客經過便約佢喺呢度一聚。舖頭位於商場basement，基本上一落到去就會見到。去到門口既時候職員會比你一個好似call機size，國X喺機場個lounge叫野食既時候比你舊野咁，佢話係等你可以D野食ready既時候先去攞，唔駛企喺度等咁喎...Anyway，Ramen Champion大約有5-6間舖頭全部都係賣唔同特式既拉麵。我行左一轉之後就俾佢張相「人氣No.1扎幌味噌special拉麵」既tag line吸引左，諗都冇諗就行埋去叫左一碗黎試下...返埋位坐左十分鐘到部機就震叫我埋counter攞食物。一開始食啖麵先，軟硬度剛剛恰到好處，對於一個鍾意食regular硬度既人黎講啱啱好，唔會好似坊間「一X堂」果D集團式製作，D麵一忽硬一忽軟咁，口感勁差。之後再試湯底亦感覺到店家對食物的執著和認真。D湯用料充足，一飲就飲得出有少少魚既味度（但唔知係乜野魚），絕對唔似係求其用一堆材料煲出黎。另外要特別要讚下佢D配菜用料，唔會隨便用D坊間既用料，粟米粒唔係好甜之餘D干筍既軟硬度都好適中，唔會因為佢地既鮮味而搶左主角叉燒既鏡，喧賓奪主！有少少美中不足既係舊叉燒。雖然個賣
Anyway，Ramen Champion大約有5-6間舖頭全部都係賣唔同特式既拉麵。我行左一轉之後就俾佢張相「人氣No.1扎幌味噌special拉麵」既tag line吸引左，諗都冇諗就行埋去叫左一碗黎試下...
返埋位坐左十分鐘到部機就震叫我埋counter攞食物。一開始食啖麵先，軟硬度剛剛恰到好處，對於一個鍾意食regular硬度既人黎講啱啱好，唔會好似坊間「一X堂」果D集團式製作，D麵一忽硬一忽軟咁，口感勁差。
之後再試湯底亦感覺到店家對食物的執著和認真。D湯用料充足，一飲就飲得出有少少魚既味度（但唔知係乜野魚），絕對唔似係求其用一堆材料煲出黎。另外要特別要讚下佢D配菜用料，唔會隨便用D坊間既用料，粟米粒唔係好甜之餘D干筍既軟硬度都好適中，唔會因為佢地既鮮味而搶左主角叉燒既鏡，喧賓奪主！
有少少美中不足既係舊叉燒。雖然個賣相整得好吸引，但係overall偏肥，肥/瘦比較大約係7/3左右，對於一個平時唔係太好肥野既人黎講（普遍香港人？）變相得返1/3塊肉可以食落肚。雖然係咁，我都忍唔住食咗一啖肥肉。一入口好似雪糕咁入口即溶既感覺真係好正，不過對於一D怕肥既OL可能會覺得有少少over左。另外舊肉唔覺唔覺原來非常「long肚」，越食越有頂住個胃既感覺，令到我成個下晝都有少少食滯左既感覺。
餃子方面，雖然都係D typical 野，但係都睇得出佢地無求求其其整熟佢就算。不過溫馨提示一句，除非特別大食，否則正常人黎講淨係食果個麵都應該夠飽。Overall呢個場絕對值得一試，只可惜銀兩有限 ($90一個self-serve拉麵)，以呢個價位黎講可能未必係首選。不過如果想搵一個寧寧靜靜既地方，同朋友黎個casual飯聚的話呢到絕對不失為一個好地方！
題外話/補充資料：
希望店家第日可以考慮用舊細D或者無咁肥既豚肉，事關食完真係滯左大半日呀！
(以上食評乃用戶個人意見 , 並不代表OpenRice之觀點。)
張貼
